Back

मोरंग व्यापार संघ मार्फत २००० भारतीयहरुको दर्ता

आज मिति २०७६ श्रावण १३ गते, यस क्षेत्रमा कार्यरत/अध्ययनरत भारतीयहरुको रजिष्ट्रेशनकालागि भारतीय राजदुतावास, काठमाडौँसँग समन्वय गरी मोरंग व्यापार संघले आयोजना गरेको रजिष्ट्रेशन क्याम्पको तेस्रो दिन २००० को हाराहारीमा भारतीय नागरिकहरुले दर्ता गराई प्रमाण–पत्र प्राप्त गरेका छन् ।

उक्त तीन दिने रजिष्ट्रेशन क्याम्पमा लगभग २५०० भारतीय नागरिकहरुको आवेदन परेतापनि आज अन्तिम दिन अत्याधिक चापका कारण कतिपयको आवेदन संकलन गरी भारतीय राजदुतावासलाई बुझाइएको छ भने कतिपयको कागजात अपूर्ण भएको एवं प्रक्रिया नपुगेकाले दर्ता हुन सकेनन् ।

यस क्षेत्रमा कार्यरत/अध्ययनरत भारतीय नागरिकहरुलाई सहज र सरल हुने गरी मोरंग व्यापार संघका अध्यक्ष श्री प्रकाश मुन्दडाज्यूको पहलमा रजिष्ट्रेशन क्याम्पको आयोजना गरिएको थियो ।

यस अघि मोरंग व्यापार संघकै पहलमा गत २०७५ पौषमा आयोजित एक दिने क्याम्पमा यहाँ कार्यरत/अध्ययनरत करिब ५०० भारतीय नागरिकहरुले दर्ता प्रमाण–पत्र प्राप्त गरेका थिए ।

२०७६ श्रावण १३ गते, सोमबार