फाउन्टेन ईको पार्क निर्माण एवम् संचालन

सार्वजनिक निजी साझेदारी कार्यक्रम अन्तरगत विराटनगर महानगरपालिका र यस संघबीच भएको सम्झौता अनुरुप यस संघले वीरेन्द्र सभागृह छेऊ फाउन्टेन इको पार्कको निर्माण गरी सञ्चालनमा ल्याएको छ । पव्लीक प्राईभेट पार्टनरशिप (पी.पी.पी.) अवधारणा अनुरुप विराटनगर महानगरपालिकाको नीति नियम अनुसार संघद्वारा निर्माण गरिएको उक्त अत्याधुनिकस्तरको पार्क विराटनगरकै नमूना पार्कको रुपमा रहेको छ । पार्कमा स्वच्छ, शान्त, हरियाली, रमणीय वातावरण र वाल उद्यान आदिका कारण प्रत्येक दिन सयौँको संख्यामा मानिसहरुको आगमन हुने गरेको छ । संघका का.का. सदस्यहरु श्री पवन राठीज्यू र श्री देवाशिष गोल्छाज्यूको निगरानीमा पार्कको संचालन एवं व्यवस्थापन कार्य प्रभावकारी ढंगले भई रहेको छ ।